Tuesday, 12 May 2009

సితార లో పాట

కిన్నెరసాని వచ్చిందమ్మా వెన్నెల పైటేసి ||కిన్నెరసాని||
విశ్వనాథ పలుకై అది విరుల తేనె చినుకై
కూనలమ్మ కులుకై అది కూచిపూడి నడకై
పచ్చని చేల పావడ కట్టి
కొండ మల్లెలే కొప్పున పెట్టి
వచ్చే దొరసాని ….
మా వన్నెల కిన్నెరసాని ||కిన్నెరసాని||

ఎండల కన్నే సోకని రాణి
పల్లెకు రాణి పల్లవ పాణి
కోటను విడచి పేటను విడచి
కోటను విడచి పేటను విడచి

కనుల గంగ పొంగే వేళ
నదిలా తానే సాగే వేళ
రాగాల గోదారి పూదారి ఔతూంటే
ఆ రాగాల గోదారి పూదారి ఔతూంటే ||కిన్నెరసాని||

మాగాణమ్మ చీరలు నేసె
మలిసందెమ్మా కుంకుమ పూసె
మువ్వల బొమ్మ ముద్దుల గుమ్మా
మువ్వల బొమ్మ ముద్దుల గుమ్మా

గడప దాటి నడిచే వేళ
అదుపే విడీచి ఎగిరే వేళ
వయ్యారి అందాలు గోదారి చూస్తూంటే
ఈ వయ్యారి అందాలు గోదారి చూస్తూంటే ||కిన్నెరసాని||

No comments:

Post a Comment